KICHIK QALBLARDA KATTA G`OYALAR

Atrof-muhitni asrash, chiqindilardan oqilona foydalanish va tabiatga mehr bilan munosabatda bo’lish har bir insonning burchiga aylanishi zarur. Ayniqsa, bu tushunchalarni yosh avlod ongiga singdirish muhim ahamiyat kasb etadi.

Shu maqsadda shahrimizdagi 5-umumta’lim maktabidagi 3-«B» sinf o’quvchilari ishtirokida ekologik mavzuda mazmunli tadbir tashkil etildi. Tadbir maktabning kimyo fani o’qituvchisi Mahliyo Yo’ldosheva tashabbusi bilan yuqori saviyada o’tkazildi. Unda o’quvchilar chiqindilardan qayta foydalanish, atrof-muhitni muhofaza qilish va ekologik madaniyatni rivojlantirish borasida o’z bilim va ko’nikmalarini namoyish etishdi. Tadbir davomida bolalar turli chiqindilardan – plastik idishlar, qog’oz, karton va boshqa foydalanilgan buyumlardan ajoyib ijodiy ishlar tayyorlab, o’zlarining kreativ fikrlash qobiliyatlarini namoyish etishdi. Har bir ishda bolalarning tabiatga bo’lgan mehr-muhabbati, tasavvuri va yangicha yondashuvi yaqqol sezilib turdi. Shuningdek, o’quvchilar tomonidan ekologiyani asrashga qaratilgan she’rlar, sahna ko’rinishlari va turli chiqishlar namoyish etilib, tadbir yanada mazmunli va ta’sirchan tus oldi. Bu esa tadbir mehmonlarida ham katta taassurot qoldirdi.

Nozima OPPOQOVA.